احساس غريب

 
احساس غريب 
لما تصحي وتحس انك غريب
لما تلاقي نفسك مش تعرفها
مين اللي انت شايفه دا
مش دي ملامحك رغم انها شبه منك
الشكل انت لكن اللي جواك مش انت
وتسرح بخيالك وتدور عليك
انت فين ؟ للاسف مش لاقيك
وتغمض عيناك لعلك في حلم مزعج
فتفيق علي الواقع
انه انت ولكن بملامح غريبه عنك

ويزيد احساس الغربه جواك
وانت تايه من نفسك 
ويتوه عن الوصف والكلام
انت عايش ولا مت ولا ايه الحال
مين اللي اتغير انت ولا الزمان
وتفضل تسأل ويفضل السؤال بدون جواب
وتفضل ملامحك غريبه عنك
ويفضل الاحساس جواك غريب

ويالها من ذكريات ...

 
وللذكري الف معني ومعني
ووراءها مليون الف دمعه وبسمه
ساعات بتكون ليها عبد أسير
وساعات بتعيشها بدون تأثير 
وبين دمعه وبين بسمه لغز كبير

للذكري معني قريب من الحلم اللي مات
كتير نفتكره وكتير نضحك علي اللي فات
مهي ذكريات مستحيل تعود ولو عاد اللي مات

للذكري حكايات واهات مكتوبه في القلوب
دي كلمه ودي ضحكه ودي دمعه وكله مكتوب
وتروح الايام وتيجي وتظل الذكريات
الوطن الوحيد الذي لا يستطيع احد ان يرحل عنه

ويالها من ذكريات ...