انت مين ؟؟؟؟

انت مين ؟
في لحظه شك جوايا بسالك انت مين ؟
وبرسمه دمعه علي خد سايله بنادي علي مين ؟
انت بسمه امل في دنيا فيها الوجع زي الدم في الشريان بيجري
ام شعاع نور في ليل حزين وفي لحظه الفجر هيختفي
انت مين ؟
بشوفك هنا في سمايا ومع كل خطوه ويايا
طيفك ونيسي في دنيايا وملامحك شمسي في ليل اسئ
وفي لحظه بنادي ما القيك ويايا وكان شبح واختفي
انت مين؟
حلم جميل بيتمحي في واقع انين
ولا واقع مؤلم بيتحول لحظه لفرح
مليون سؤال جوايا كلهم بيقولوا
انت مين ؟
كلماتي عنك من غير هدف
وجايز يكون المعني فيها مختفي
بتصرخ وبتعرفني بيك
وانا اذاني مسدوده
بتشاولي يمكن افهم
وعيوني عنك بعيده
صدقني نفسي اعرفك
بس خايف ومن غير سبب
اوعي تقول انك قريب
ملامحك بتقول انك غريب
وجاي دلوقت تمسك ايدي
هتعديني ؟
ازاي ولفين هتوديني ؟
مش طفل صغير انا
ولكني وليد
هتقدر بيا تعتني ؟
ولو في لحظه كسرني يأسي هتقويني ؟
انت مين ؟

سؤال ملهوش لحد دلوقت جواب
انت بسمه في شفاه كسرها الالم
ولا انت دمعه في عيون متغربه
مالك ساكت كدا ليه ؟
سامعني طيب ؟
حاسس انا اقصد ايه وبدور علي مين ؟
عرفني ولو بهمسه او لمسه او طرفه عين
وانا هافهمك لو ناديت هارد عليك
مستعد اسمعك واشوفك لو حبيت
بس عرفني الاول 
انت مين ؟