قالوا فاضلها يومين وترحل فرحت كتير
قولت كويس من يومها كان فيها دمار خطير
صدقني محدش عايش فيها يوم سعيد من غير اخطار
لو مش مصدق طب حتي روح اسأل الشهداء او حتي الثوار
كنائس اتهدمت واتبنت حتي الاديره كانوا عاوزين يهدموا فيها الاسوار
وشوف كام شهيد بدون سبب اتقتل دمهم سال بيروي ارضها كما الامطار
اصلنا درجه تانيه نسيوا انها بلدنا وطلعوا كل البدع والفتن وفي الاخر قالوا اننا كفار
بس تعرفوا بيني وبينكم خايف السنه الجديده يكمل فيها تاني مسلسل الرعب والدمار
لالالا ... صدقوني مش خوف مني ولا ضعف ايمان لكن اهو مجرد تخمين علي شويه افكار
علي العموم حبيت اقولكم كل سنه وانتم طيبين ودايما بخير ومحمين في دم الهنا يسوع البار
وسنه 2012 تكون سعيده علينا كلنا ونحتفل فيها بميلاد فادينا بدون دم شهداء او خوف من الاخطار
نلمس فيها ايد فادينا ونعدي بسفينه حياتنا عليها لبر النجاه مهما عليت علينا امواج اعمق البحار
ما احنا دايما واثقيين في اللي خلقنا وقت الخطر يرسل تعزياته يحفظنا من اي شر وشبه شر ومن الدمار
يسوع يملئ حياتنا كلنا بمحبه وسلامه اللي يفوق كل عقول البشر
ويسكن كل قلب فينا ويغيره للاحسن ويفرحه دايما بكل احبابه
كل سنه وانتم طيبين يا اغلي اخوات واصدقاء
