قالي تعالي وهترتاح ... انا الهك مخلصك ...

دا مش يأس يا ناس ... 

ولا هو عدم إحساس ...

دا شعور جواه القلب ساكن بس كان منداس ...

حابب أعيش لكن الزمن في جرحه قاسي ... 

نسي أن العمر مش هيطول ... 

وأنه في يوم هيصبح ذكري وفاني ...

مش بحب أعيش في خيال ...

أنا حياتي مفيهاش محال ...

طول ما أنا في طريقي ماشي ...

ليه أخاف أو أنحاس ... 

من ناس قلوبهم أصبحت زي المر في كأس ... 

كأس المر الممذوج بالمقاسي معقوله دا يتسمي كأس ...

في يوم كنت ماشي لوحدي ...

قلبي علي شاطئ فاضي يجري ... 

ويقول حاسس بحريه لوحدي ... 

مش عايز حد تاني يشوف مجدي ...

أنا هنا عايش مرتاح وحدي ...

وكنت فاكر أن دا يوم سعدي ...

أني أطير في مكان وأعيش فيه لوحدي ...

مش محتاج اي شئ من حد تاني ...
دا أنا هنا عايش سلطان زماني ...

قلبي فرحان عايش في أحلامي ...

وفجأه ظهر ما لم يكن علي البال ...

وكأنه شئ من نسج الوحي والخيال ... 

حسيت براحه لا تتوصف يا ناس ... 

وقولت لا دا أكيد حلم معقول دا من المحال ...

لاقيته بيقرب علي بهدوء وعينيه مليان دموع ...

مسك أيدي في حنان وقال قرب إشرب من الينبوع ... 

دا أنا وحدي أشبع الجوع ... وأرفع الحمل وأشيل عن قلبك الاوجاع ...

معقول لا دا مش معقول ... 

معقول أنا هنا شايف يسوع ... 

لا دا أكيد أنا كبرت وعن النظر أصبحت عاجز ...

مد أيده قالي شوف ... 

مكان مسمار خطيتك فيها ...

وأدي مكان الحربه كمان ...

هات أيدك المس جنبي المطعون ...

شايف أثر إكليل الشوك ... 

حاسس بيا وأنت في كل مره بتخوني ... 

ياما قلبي كان عليك بيكي ... 

وأنت لوحدك ومش عايز يابني تفتحلي ... 

علي بابك واقف أنا بقرع ... 

وصدقني يابني تعبي مش هاممني ...

كل همي أنك تفتح وأسكن أنا فيك ... 

وقتها بس هتحس بأمان ... 

وهتنسي كل ما فعله بيك إلانسان ...
عارف أنه قلبه بقي حجر قاسي ...

نسي أني شربت مكأنه المر في كأسي ...

وأن صليبي دا في الأصل صليبه ... 

وأنا بكل حبي شيلته بدل منه ... 

خوفت عليه ليقاسي ... 

حملته أنا وفي طريقه مشيت وحدي ...
وأنت يابني ليه كنت بتهرب مني ؟...

نظرت اليه وعيني مليانه دموع ...

وبكل قلبي قولت سامحني يا يسوع ...
كنت فاكر أني لوحدي هاكون مبسوط ... 

لكن من غيرك قلبي عاش موجوع ...
راكعت قدامه ومسكت رجيله المجروحه وسجدت في كل خشوع ...
عارف أني خاطئ وفي طريق الشر مشيت ونسيت

أنك وحدك خلاصي أنك أنت الينبوع ...
راجعني ليك ربي واغفرلي كل ذنبي 

دا من غيرك قلبي مايقدرش يعيش يا يسوع ...
رافعني بايده في حنان ومسح كل الدموع ...
وقالي يابني تعالي قلبي ليك مفتوح ...

دا أنت ابني وأنا علشانك جيت هاغفرلك كل الذنوب ...

بس عليك يابني تتوب ...

أصرخ قول من كل قلبك ...

" توبني يارب فأتوب "

Neven Ramzy