لما شعاع الأمل جوايا يضيع
وقلبي للحزن يسير خضيع
وقلبي الصغير يتهوه من بين القطيع
أسمع صوته جوايا يقول
إطمئن أنا معاك
أنا راعي الخراف ماسك بيديك
أنا هو الراعي الصالح الامين
ثق فيا أني أقدر أغير كل الاحوال
فهل يستحيل علي الرب شئ ؟؟؟
لما الغيوم تملئ سمائي
ويتخلي عني أقرب أحبائي
والظلام يسود كياني وكل أرجائي
أسمع صوته جوايا يقول
تعالي وقرب ليا ... دا أنا أبوك وأنت إبني
مين غيري هايحس بيك
علي كفني انا نقشتك وفي نن عيني حفظك
إطمئن معايا هتلاقي الامان
ويسود جواك الفرح كمان
لما تفتح لي وأدخل وأسكن جواك
فهل يستحيل علي الرب شئ ؟؟؟
لما حلمي الوردي مني يموت
والخوف من المستقبل عليا يسود
وقلوب البشر يملئها الحجود
أسمع صوته جوايا يقول
تعالي انا وحدي احقق حلمك
انا وحدي شايف دربك
ارمي عليا يابني حملك
وسبني امشي وانت معايا
كل شئ يتحقق ويايا
فهل يستحيل علي الرب شئ ؟؟؟
وفي لحظـــــــــــــــه
شعرت بحضنه وحسيت وياه بالامان
والخوف معاه يختفي ما يبان
وماعدش ليه جوايا مكان
ما انا ساكن في حصن العالي
حصن حصين لقلبي وحياتي
ما انا ابنه علي قلبه غالي
بيقولي يا ابني تعالي
وهايشيل عني احمالي
مهو ابويا السماوي
يجدد كالنسر شبابي
ويعيد من تاني تشكيلي
وتكون ملامحه ملامحي
وله يهتف قلبي بصوت عالي
انا واثق فيك يا الهي وفي عمل يداك
فهل يستحيل علي الرب شئ ؟
Neven Ramzy
ليست هناك تعليقات:
إرسال تعليق