+ عزيزي الزائر ...
شكـرا لـزيـاتـك الغـالية لمــدونتـي , وفي أنتظار زيارتك القادمه
اذا اعجبك شيئا من كتاباتي فبرجاء ترك تعليقك وشكراً ...



الخميس، ديسمبر 15، 2011

انا لسه مسيحي درجه تانيه


بلدي يا البلد التحرير
جوايا ليكي كلام كتير
خلي صدرك يبقي واسع ليا
واسمعي لصوتي وافهمي كلامي
انا مش عاوز منك حاجه
انا ياما شوفت فيكي مواجع
بس مش عارف اكرهك
ولا ابعد واسافر واسيبك
وكان اسمك مكتوب علي جبيني
اصونك وانتي عماله تهينيني
لكن اعمل ايه للاسف بحبك
رغم اني ساعات
بحس اني مجبر علي حبك
بس برده بحبك ليه ماتسألنيش
مانا جوايا ليكي مليون سؤال
ومفيش ولا مره جاوبتني
ودلوقت ....
 ياتري تقدري علي سؤالي تجاوبيني
و لا هتسدي ودانك عني صوتي ليكي
تعرفي مش حاسسس انها تفرق كتير
مهو ياما اتكتم فيكي وكان مجبور
حتي لما قولت خلاص بلدي اتحررت
واقدر اقول رايئ ولصوتي هاتستجيب
بقيتي من جديد تيجي عليا وتهدري في دمي
والسبب اني مسيحي درجه تانيه
ااااااه يا بلد هتروحي لفين
راكبين من فوقك اخوان وسلفيين
وكام حزب علي تيار مختلفين
وانتي شويه ماشيه شمال وشويه يمين
وانا حاسس اني واقف في النص بتفرج عليكي
طب اعملك ايه وانتي راضيه تكوني كوره وسطهم
ولما بمد ايديا ليكي بلاقي ايديك بتعبد بعيد
بس تعرفي تستاهلي اللي انتي فيه دلوقت
جايز في يوم تفوقي ولصوتي تنصتي
جايز تحسي ان مفيش عليكي حد خايف قدي
وقتها تعرفي مين بيحبك ومين بيكرهك

تفتكري اليوم دا هايجي يا بلدي
ولا انا بحلم وفاكر انك بجد اتحررتي
وانتي في ايديكي مليون قيد وقيد

كلمات
صوت لسه مكتوم في اراضيكي

هناك تعليق واحد:

  1. ليس البلد الذي نسكن بها بلدنا فهو كأنه بيت للإيجار نقطن بها فترة ونذهب الى بيتنا الحقيقي وهو التراب فدع عنك كل هذا لايهم من يديره او يتحكم به الله يناديك وانت في وحدتك لايحتاج الى واسطة او خطة فقط ناديه تشبث برحمته الله الواحد خالق كل شيء فاذهب واطرق بابه
    مسلم حــر

    ردحذف