بقايا انسان

كنت بحلم من زمان بيك ...

ولما عيني كانت تيجي في عينيك

كان قلبي يطير من الفرح سعيد ...

 ماكنش يعرف ان الزمن هايبعدك بعيد

وكل واحد منا هايكون ليه طريق ويبقي وحيد

وبنيت احلام واتهدمت ويا السنين القصور ...

ويمر بيا العمر من جديد ويدور

ونرجع نتقابل وتبني معايا كل اللي اتهدم من جسور ...

وافتكرنا اننا خلاص انتظارنا علي الاحزان

ومبقاش ليها خلاص جوانا مكان ...

وتلف الايام ويرجع الزمن ويطعنا

ياتري دا فعلا قدرنا ...

 كل ما تجمعنا الايام قدرنا يفرقنا

مبقاش جوايا امل تاني اعيش عليه

كسرتني احزاني وجراحي ... وماليش قلب يدويها ...

مبقاش قدامي غير دموع بحاول اداريها ... ..

عشان ما تنزلش وتجرح قلبك معايا ...

 ونقول ايه يا زمن غريب حوالينا .

خلاص مبقاش فاضل اي شئ فينا


انا عن نفسي بقيت زي جسر خشب مكسور ...

 من كتر اللي شوفته خايف الجرح جوايا يثور 

هو المفروض اعيش وانا راضي مذلول ...

 ولا اصرخ واعلي الصوت واقول

صوت ايه ؟ ماخلاص مبقاش فيا صوت ...

ولا حتي همسه تخرج من بين الضلوع وتثور ...

انا خلاص بقيت بقايا انسان ... 
وسط قبور الحزن مسجون مدفون ...