منتظرين ...

دي مش حكايه واحد ولا اتنين
دي حكايه اغلب الناس واهم عايشين
منهم اللي بيقول اه بخوف ومنهم اللي مكتومين
بنقول مش جبن فينا لكن احنا غلبانين
كلمه بنضحك بيها علي نفوسنا وعلي التانين
فبنسكت وبنكتم جوانا الصرخه وصوت الانين
وبنرسم بسمه ونعيش والدموع جوه العيون مخنوقيين
مش عاجبنا الحال بس غصب عنا علي امرنا مغلوبين
احنا اللي حكمنا علي نفوسنا تعيش ساكته وكأننا مايتين
صعب نيجي دلوقت نؤلم علي غيرنا واحنا الغلطانين
رضينا نعيش ضعفاء حطينا راسنا في التراب وبقينا مكسروين
وجايين دلوقت نطلب ونعلي صوتنا قال ايه هايكونوا لينا سامعيين
بنضحك علي مين علينا ولا عليهم اااااااااااااااااه منا يا بني ادميين
خلاص هما سدوا ودانهم وقسوا قلوبهم وعن صوتنا مستغنيين
مبقاش لينا حق عندهم ولو طلبنا هيكون في شئ غلط او متغيريين

ماكنش دا طبعنا ولا في يوم لحقنا كنا طالبيين

أيه اللي حصل وليه دلوقت بيه بيقنا صارخيين

كل العالم دلوقت سامعين لصوت قلوبنا وللانين

لكن هايعمل ايه مهو طول عمره ودن من طين والتانيه من عجين

لو يوم قولنا طالبين حمايه دوليه اغلب الناس هيقولوا علينا خاينين

مفيش قدمنا غير اننا نقول يارب اتصرف واثقين انك معين

حاسس وشايف وعارف بضيقنا وبصرختنا المكتومه والانين

ولكن مهو وعدك لينا واضح لانك صادق دايما وأمين

اننا نصمت وانك هتدافع عنا في كل حين ومهما طالت السنين

بنطلب منك وواثقين انه في الوقت المناسب هتتدخل واحنا منتظرين

عمل ايديك القويه وردك وغلبتك علي عدو الخير واعوانه والتنيين

منتظرين يارب رحمتك وعدلك وفي وعودك لشعبك واثقين

انها هتتحقق وتفرح قلوبنا وتعطينا الغلبه بدمك المسفوك يا أمين

منتظرينك يارب واحنا واثقين وعيونا للسماء دايما مرفوعيين

منتظرين عدلك يا ملك السماء والارضيين

منتظرين